LIMA, PERU, AFP.- E protestanan kontra presidente Dina Boluarte, susesor di Pedro Castillo a kuminsá bèk djárason, despues di un interupshon pa fiestanan di fin di aña, vários kartera a keda blòkiá i a reportá manifestashonnan den diferente region.
Gobièrnu a antisipá siman pasá ku e manifestashonnan lo reanudá riba 4 di yanüari. E manifestantenan ta eksihí renunsia di Boluarte, disolushon di Kongreso i organisashon di elekshonnan nobo.
E manifestashonnan a keda registrá den regionnan kaminda e èks presidente retirá tin respaldo amplio ainda.
Polis a usa gas lakrimógeno riba vários ruta pa plama e manifestantenan ku a blòkia rutanan ku piedra i tayer na kandela den regionnan di Junin, Cusco i Apurimac segun informenan di prensa.
Komo prevenshon, e trein entre Cusco i e siudat inka di Machu Picchu a keda suspendé indefinidamente desde djárason pa garantisá seguridat di turistanan. A evakuá alrededor di 2.000 turista pa evitá problema.
Den su kalidat komo visepresidente, Boluarte a remplasá Castillo, kende riba 7 di desèmber 2022 a purba dal un gòlpi di Estado. Kongreso a duna Castillo retiro i el a keda detené akusá ku rebelion.
