LONDON, REINO UNI, AFP.- Diferente persona na London a desafiá e restrikshonnan sanitario di e pandemia i a manifestá serka di e embahada di Merka pa protestá pa morto di un siudadano merikano koló skur na man di polis.
Un sentenar di persona a kongregá riba plaza Trafalgar Square den sentro di London, na memoria di e afroamerikano ku a muri. Esnan presente a hinka rudia durante algun minüt, pa mustra solidaridat ku Floyd i e forma kon su aresto a kulminá.
Ounke mayoria manifestante a bisti un masker, tabata difísil pa respetá distansia sosial pa kontené e pandemia di Coronavirus.
