MEXICO CITY, MEXICO, AFP.- Opositornan di presidente Andres Manuel Lopez Obrador a protestá kontra e forma kon e mandatario a manehá e pandemia di COVID-19 i ekonomia.

E manifestantenan a purba kana yega e plasa dilanti sede di gobièrnu djasabra, pero polis a sera kaminda.

E Corona vírus a laga 694.121 kaso di infekshon konfirmá i 73.258 morto te ku ayera.

E grupo a realisá diferente manifestashon anteriormente pa eksihí renunsia di e presidente. E opositornan a kuestioná su polítikanan ekonómiko i su desishon pa kanselá un proyekto kaminda tabata konstruyendo un aeropuerto nobo den México City.

LAGA UN KOMENTARIO

Please enter your comment!
Please enter your name here