Un manifestante kanando riba kaya ku su bòrchi eksigiendo renunsia di pesidente Rodrigo Paz na La Paz
LA PAZ, BOLIVIA, AFP.- Manifestantenan a sali riba kaya pa eksihí renunsia di e presidente Rodrigo Paz, kumpliendo ku un luna di protesta i blokeonan di kareteranan den e pais. E protestanan ta sigui amplia sin ku tin un salida for di e krísis.
For di kuminsamentu di luna di mei obreronan, kampesinonan, mineronan i maestronan a eksigí medida kontra e krísis ekonómiko di mas grave den e pais den kuater dékada. Te ainda nan a ignorá e gobièrnu su petishon pa negoshá.
E manifestantenan a yega La Paz ku nan banderanan indígena. Fin di siman, miembronan di e sindikato prinsipal di e pais a debatí si lo negoshá ku gobièrnu òf nò.
Tabatin mas ku 90 punto di blokeo riba kareteranan di e pais. Esaki ta 30 blokeo mas ku siman pasá. E blokeonan aki a kousa skarsedat di kuminda, medisina i kombustibel na La Paz. Esaki a subi preis di karni, webu i algun bèrdura ku kasi kuater biaha den e último simannan ku a pasa.
Polisnan patras di un barikada durante di un protesta na La Paz
