BOGOA, COLOMBIA, AFP.- Un kantidat di manifestante a mobilisá den Colombia djaluna, pa protestá kontra violensia di polis i gobièrnu. E asesinato di un hòmber na man di dos polis a kousa un serie di protesta violento den e pais.
Un grupo di studiante a organisá e protestanan aki, meimei di restrikshonnan imponé pa kontené e pandemia. E protestanan a tuma lugá den vários punto di e pais.
Polis a kalkulá ku tabatin 4.800 persona den e aktonan di protesta, ku a sosodé sin ningun konfrontashon, segun e general Oscar Atehortua, e komandante máksimo di e institushon.
Bogotá tambe tabata foko di e manifestashonnan ku a kontinuá despues ku agentenan a bati Javier Ordoñez mata riba 9 di sèptèmber.
E dos agentenan ku a ehekutá e detenshon ta wòrdu akusá ku tortura i asesinato.
