BUCAREST, AP.- Desena di míles di persona a protestá djadumingu dilanti e sede di gobièrnu na Rumania pa eksigí renunsia di dirigentenan, debí na un lei ku lo hasié mas difísil pa kastigá delitonan di korupshon.
E manifestashon riba Plasa di Viktoria ta marka e di 13 dia konsekutivo di konsentrashonnan antigubernamental na Bucarest. Aktivistanan a forma di tal manera un bandera rumano gigantesko.
Míles di persona di siudatnan di Cluj, Sibiu, Iasi i Timisoara a protesta.
E protestanan a kuminsá luna pasa na momentu ku gobièrnu sentroiskierdista a aprobá un lei ku ta redusí sanshon pa e kasonan di korupshon.
E promé minister Sorin Grindeanu a anulá e lei despues di protestanan grandi den e pais desde kaida di komunismo na 1989. E minister di hustisia a renunsia siman pasa despues di un malkontentu generalisá.
E manifestantenan ta eksigí un gobièrnu nobo i norma nobo pa atministrashon públiko di e pais.
