SAUL, AP.- Diferente persona kontra konsumo di karni di kachó, entre otro e aktris merikano Kim Basinger, a manifestá djabièrnè serka di Asamblea Nashonal di Seul na Surkorea.
20 persona a bisa ku lo legalisá esaki su konsumo. No tabatin ningun kaso di violensia reportá.
Ta komun ku e manifestashonnan kontra konsumo di karni di kachó ta tuma lugá durante e tres dianan mas kalor na Surkorea. Mayoria surkoreano ta kere ku e konsumo di karni di kachó ta duna forsa pa superá e kalor.
Karni di kachó no ta legal, pero e no ta eksplísitamente prohibí na Surkorea. Restorantnan di karni di kachó no ta lukrativo mas dor ku mayoria hóben no ta konsiderá e opshon di kuminda aki dushi. E maskotanan ta oumentando den popularidat i un enkuesta di aña pasa a indiká ku 80% di e surkoreanonan no a kome karni di kachó aña pasa.
Mayoria ta oponé kontra e idea pa prohibí karni di kachó konsiderando esaki komo un preshon di Oksidente. Algun ta konsiderá ku karni di kachó ta yuda nan vigor seksual.
…KACHO
Un miembro di Asosiashon Koreano di Karni di Kachó komiendo e karni aki durante un manifestashon pa sostené e konsumo dilanti di Asamblea Nashonal na Surkorea