ATHENAS, GRESIA, AFP.- Mas ku dos siman despues di e katástrofe di trein kaminda 57 persona a muri, Gresia por keda paralisá awe pa un wèlga general.
Despues di un konsentrashon di 40.000 persona na Athenas djárason 8 di mart, tin manifestashonnan plania den e pais kompleto.
Por spera ku desénas di persona lo partisipá den manifestashonnan organisá pa sindikatonan di e sektor públiko i e sektor privá, ku e riesgo por reportá episodionan di violensia entre algun manifestante i polis.
Gran parti di Gresia lo keda paralisá, spesialmente e sektor di transporte. Tur barku mester keda den haf i tráfiko aéreo tambe lo wòrdu interumpí.
Segun e minister di Transporte, tráfiko aéreo lo reanudá gradualmente desde 22 di mart.
Mayoria skol lo keda será i algun studiante tambe lo protestá.
Desde e dalmentu frontal entre un trein di pasahero i unu di merkansia riba 28 di febrüari anochi, e pueblo griego a kuminsá protestá kontra e gobièrnu konservador di Kyriakos Mitsotakis.
