PARIS, AP.- Forsanan di òrdu na Fransia a detené 63 persona, miéntras ku nuebe polis a resultá heridá debí na protestanan den dos siudat meimei di e indignashon pa un reforma laboral di presidente Emmanuel Macron. Asina outoridat a informá djadumingu.
E minister di Interior, Gerard Collomb a denunsiá e violensia i e daño den tiendanan i edifisionan públiko miéntras tabata realisá protestanan djasabra na Nantes, na wèst di e pais, i na Montpellier, na sùit.
Collomb pa mantené kalmu debí ku ta planiando un otro protesta djadumingu na Notre-Dame-Des-Landes, na wèst di Fransia.
Otro protestanan den otro zonanan tabata den su mayoria pasífiko. E trahadónan di e sistema di trein a marcha di forma intermitente den protesta pa e plan di Macron, miéntras ku e paronan a stroba tráfiko den e pais kompleto.
E lo duna un mensahe na televishon nashonal djadumingu anochi pa splika su reformanan ekonómiko. E ta bisa ku e reformanan aki lo kombertí Fransia den un pais mas kompetitivo na nivel mundial, miéntras ku e trahadónan ta teme di pèrdè e protekshonnan laboral.
