CLEVELAND, OHIO, MERKA, AP.- Aktivistanan na fabor di derechonan di inmigrante a ekstendé d j á rason komo un dekorashon manera un muraya dilanti e stadion kaminda republikanonan tabata selebrá su konvenshon nashonal, ku e intenshon di aislá e kandidato presidensial Donald Trump simbólikamente.
Vários persona a kana desde Public Square te na entrada di e stadion sede di e konvenshon, kaminda nan a keda mas di un ora gritando “Si boso kier muraya, nos ta duna boso muraya” i “Sin papel, sin miedu”.
E protesta, ku a keda vigilá pa un presensia fuerte di polisnan, a kana di manera pasífiko. E dia anterior tabatin vários konfrontashon na e mesun sitio.
Vários organisashon a partisipá den e protesta, inkluyendo Mijente.
Su direktor Marisa Franco no sa ku e idea tabata pa “protehá nos komunidat di mensahe di odio i rasismo di Trump”.
E empresario multimionario a lansa su kandidatura den yüni na aña 2015 yamando e inmigrantenan mehikano komo “kriminal” i “violadó” proponiendo e konstrukshon di un muraya na frontera ku México.
Franco a indiká ku su grupo ta planiando un manifestashon similar otro siman durante un konvenshon nashonal demókrata na Philadelphia pa protestá e kantidat di presedente di deportashon registrá durante e mandato di presidente Barack Obama.
