WILLEMSTAD.- Riba djamars 24 mart, Polis Otrobanda i Projectteam Toezicht en Handhaving (PTH) a tene un kòntròl dirigí riba vehíkulonan usá pa transporte públiko, manera taksi i ‘toerwagen’. E kòntròl a tuma lugá na Gouverneur van Slobbeweg na áltura di Megapir entre 8.30 di mainta pa 12.00 di mèrdia.
A kontrolá 25 vehíkulo usá pa transporte públiko, i shofùrnan ku a kometé infrakshon kontra lei di tráfiko i/òf transporte públiko a haña un but. A repartí un total di 12 but pa:
Manehá un vehíkulo ku: ‘Windshield’ di plak – 1 but; Glasnan dilanti di plak ku a midi ménos ku 35% di penetrashon di lus – 10x but; Manehá un ‘toerwagen’ sin pèrmit nesesario: “Sightseeing” skibí dilanti – 1 but.
