WILLEMSTAD.- Djadumingu 11 di mart benidero Kor Maestronan Penshoná (KMP) ta kumpli ku deseo di pueblo pa ripití su konsierto “Ban bèk, ten ‘i nos ten” di desèmber último.
Riba petishon insistente ta bolbe trese e konsierto aki.  Konsiertonan di KMP, ku kansionnan popular di añanan 60 bin ariba den diferente idioma, ta kai mashá na grasia di tur ku a bishitá nan.
Tin vários persona ku tabata presente na tur presentashon. Kada konsierto nobo ta benéfiko i ta honra maestronan òf otro personanan ku a i ta hasi trabou meritorio riba tereno musikal lokal. For di su inisio na sèptèmber 2015 KMP a trese 4 konsierto, esta “Ban bèk banki skol”, “Ban bèk den tempu, kurason kontentu”, “Ban bèk, ku alegria i gratitut, rekordá nos hubentut” i por último “Ban bèk, ten “i nos ten” .
E promé konsierto a keda presentá na 7 okashon, di kua 2 na Boneiru. Ku ripitishon di tur e konsiertonan a yega na e total di 12 presentashon, pa kua pa kada un tur karchi a kaba.
P’esei pa bo no pèrdè esaki, bo por kumpra bo karchi na Mensing’s Caminada na rason di 30 florin òf por haña serka e miembronan Viola (tel: 737-3991), Franklin (526-2854) i Ingrid (737-6183).
E konsierto ta tuma lugá riba djadumingu, 11 di mart di 3.30 pa 6’or di atardi den sala multifunshonal di PWFC riba tereno di Isla. Un ora promé ku inisio, e elenko musikal lo yama públiko bonbiní ku un presioso pre-show. KMP ta wardá bo!.

LAGA UN KOMENTARIO

Please enter your comment!
Please enter your name here