SAN JUAN, AP.- Un hunta federal di kontròl a pidi un préstamo di 300 mion dòler pa un empresa di elektrisidat di Puerto Rico, despues ku un hues federal a blòkiá un préstamo di 1000 mion dòler.
400.000 usuario ta karesé di elektrisidat, sinku luna despues ku orkan Maria a pasa.
E hunta a presentá e solisitut djabièrnè mainta i a bisa ku Puerto Rico mester redusí e generashon di elektrisidat i personal si e no risibí e fondonan nesesario pa 20 di febrüari. Ademas, el a bisa ku Outoridat di Energia Eléktriko ta den peliger i ku e 300 mionnan aki lo hasié posibel pa e kompania sigui operá te na final di mart.
“Esaki ta nifiká un peliger grandi pa e servisio an usuarionan i mayoria kliente lo keda sin koriente”, asina e hunta a bisa.
Un hues federal a sentensiá djaweps ku ni e hunta ni gobièrnu a presentá sufisiente prueba pa hustifiká un préstamo di 1.000 mion dòler pa e empresa.
Algun portorikeño a keha riba retnan sosial di nan kuentanan haltu di elektrisidat apesar ku nan no tin koriente. Nan a kritiká gobièrnu pa su menasa di provoká blèkoutnan pa falta di fondo.
