SAN JUAN, AP.- E orkan mas poderoso ku a gòlpia Puerto Rico den mas di 80 aña, a destruí sentenar di kasnan, a laga e isla kompleto sin elektrisidat i a provoká inundashon fuerte djárason.
Maria a laga nuebe persona morto den Caribe, mishi ku tera djárason mainta den lokalidat na kosta di Yabucoa miéntras e orkan tabatin forsa di kategoria 4, ku bientu di 250 kilometer pa ora.
E isla por wòrdu asotá ku bientu mortal durante 12 òf 24 ora.
‘Manera nos logra Sali, nos ta bai haña nos isla destruí”, asina Abner Gomez a bisa, direktor di maneho di emergensia. E “informashon ku nos a haña ta alentador. E tormento a destruí tur kos riba su kaminda”, asina el a agregá.
Esaki ta segundo biaha den dos siman ku Puerto Rico ta eksperimentá e furia di un orkan.
Ainda no tin indikashon di hendenan morto òf leshoná.
Miéntras Maria tabata yegando e isla, esaki a basha torennan di telefòn selular abou, tumba matanan i provoká inundashonnan fuerte, i lagando 50 centimeter di awa te na e momentu ei.
