SAN JUAN, AP.- E gobernador di Puerto Rico a bisa ku e no ta outorisá fumigashon aéreo ku insektisida Naled pa kombatí inkremento di kasonan di Zika, apesar di un petishon di outoridatnan i salú di Merka.
Alejandro Garcia Padilla a bisa djabièrnè ku na lugá di esaki ta usa fumigashon ku larvisida orgániko Bti. El a bisa ku e ta spera ku ningun mucha ta nase ku problema di serebro debí na e desishon.
Zika por kousa mikrosefalia, un defekto straño kaminda beibinan ta nase ku kabes chikitu i dañonan serebral.
E isla tin 5.582 kaso di Zika i ta registrá un subida di entre 20 pa 30 kaso semanal. Puerto Rico a reportá e promé kaso di mikrosefalia riba teritorio merikano na mei. Esaki tabata un feto ku un muhé a entregá na outoridatnan di salú.