MOSKU, RUSIA.- E presidente ruso, Vladimir Putin a sigurá e siman aki ku e ta dispuesto pa reaktivá e akuerdo ku Ukrania riba eksportashon di grano ku Ukrania, algun ora despues ku ehérsito ruso a bombardiá infrastrukturanan agríkola na Ukrania na un puerto ku ta krusial. “Nos lo hasi esei na momentu ku apliká e akuerdonan ku tin riba restrikshon den eksportashon di produktonan agríkola ruso”, asina Putin a duna di konosé durante un konferensia di prensa ku su kolega turko, Recep Yayyip Ergodan, na Sochi.
Na e mesun okashon ei Ergodan a afirmá ku su pais a hasi proposishonnan nobo pa reaktivá e akuerdo riba eksportashon di grano di Ukrania via di Laman Pretu, kual a ser alkansá den zomer di 2022 pa medio di mediashon di Turkia den Nashonnan Uní i ku esaki a keda suspendé dor di Rusia na luna di yüli.
