MOSCOW, RUSIA, AFP.- Presidente ruso, Vladimir Putin, a mobilisá sentenáres di míles di reservista (reservist) pa bringa na Ukrania i menasá ku e pais lo usa armanan atómiko, un atvertensia ku Merka a pidi pa tuma “na serio”.
Europa a deskribí e mobilisashon aki komo un “señal di debilidat” di Moscow, kual su ehérsito ta pèrdiendo kontra kontra atakenan di forsanan ukraniano.
Presidente Putin a bisa den su diskurso ku ta trata di un “mobilisashon parsial”, señalando ku ta trata di un medida “urgente i nesesario”.
E minister ruso di defensa, Sergei Shoigu a bisa ku e òrdu ta konta pa 300.000 reservista.
Presidente ukraniano, Volodymyr Zelensky a bisa den un entrevista ku e kanal aleman Bild Tv, ku e “no ta kere” ku Rusia lo usa armanan nuklear. “Mi no ta kere ku mundu lo laga esaki pasa”, asina el a afirmá.
