MOSKU, Rusia (AFP).- E presidente ruso, Vladimir Puin, a proponé pa para e guera den Ukrania pa un dia, esta 9 di mei, ku ta dia riba kua Rusia ta selebrá e viktoria soviétiko riba Alemania nazi den 1945, segun Kremlin a duna di konosé.
Durante di un kòmbersashon na telefòn ku e presidente norteamerikano, Donald Trump, Putin a trese dilanti di ta dispuesto “na dekretá un dia sin guera miéntras ku tin selebrashon dje Dia di Viktoria”, segun e diplomátiko, Yuri Ushakov, a duna di konosé na prensa. El a agregá ku Trump “a apoyá e inisiativa” pa un dia ku “ta konmemorá nos viktoria komun”.
Dia 9 di mei, fecha riba kua Rusia ta konmemorá e kapitulashon di Alemania nazi na final di Segunda Guera Mundial den1945, ta selebrá kada aña ku demostrashonnan grandi di forsa rònt e pais. E aña’ki e selebrashon lo ta ménos pa motibunan di seguridat, teniendo kuenta ku e menasa di atakenan ukraniano, segun Kremlin.
For di 2023, Ukrania ta selebrá e viktoria di 1945 riba 8 di mei, meskos ku t’e kaso na paisnan oksidental.
