WILLEMSTAD.- Queens lo ta den Festival di Tumba 2026 pa promé biaha i lo bai ku kuater tumba. E banda Queens ta para pa su nòmber i lo debuta ku 4 dama den tumba 2026. EXTRA tin nòmber di 3 di e kantantenan aki kual lo ta Semi Marten, Sukayla Gomes i Jefdaney Manuela. E di 4 kantante ainda ta deskonosí pero pa otro siman lo trese su nòmber tambe den spòtlait.
Pa loke ta trata Jefdaney Manuela e lo usa e mesun tim di aña pasa kual e la gana kuné pa skibi i areglá su tumba.
Sukayla Gomes lo bai ku tumba di Axel Pikero i Semi Marten probablemente lo bai ku tumba di Tico ‘Benoni’ Balentien. Queens ta den full swing i ya kaba a kuminsá ku ensayo.
EXTRA lo keda monitor e banda aki hopi di aserka pa asina keda informá debidamente di kada moveshon ku tin den e mundu farandulero pa loke ta trata tumba 2026.
