WILLEMSTAD.- Protekshon di oido pa kualke ser humano ta algu masha importante. Tradishonalmente durante di temporada di Karnaval e organisashon Quota Club ta konsientisá pueblo di Kòrsou riba e protekshon pa oido.
E aña aki manera ta un kustumber Quota Club a hasi entrega di un kantidat di ‘dòpi di orea’ na Fundashon JAG pa esaki keda repartí den e gruponan hubenil i di tiner.
Riba foto nos por apresiá e momentu ku sr. Juni Aniceta ta risibí for di man di representantenan di Quota Club e donashon di ‘dòpinan di orea’.
