WILLEMSTAD.- Entrante djamars 1 di sèptèmber 2026 e tarifa regulá di gasolin i diesel ta subi na Kòrsou. Tambe e tarifa di elektrisidat ta subi entrante djamars 1 di sèptèmber 2026. E tarifa di awa ta baha. Esaki Regulatory Authority of Curaçao (RAC) ta partisipá 27 di ougùstùs den su komunikado mensual riba e partikularidat aki. RAC ta supervisá e desaroyo di preis di produktonan petrolero i di utilidat.
Gasolin awor ta 2,541 Cg pa 1 liter i for di 1 di sèptèmber ta bira 2,597 Cg. Ku ta nifiká un subida di mas ku 5 sèn pa liter. Diesel awor ta 2,134 Cg i ta bira 2,373 Cg, un subida di kasi 24 sèn.
E tarifa di gasolin i diesel ta subi kompará ku luna anterior, prinsipalmente komo resultado di preisnan di kompra internashonal mas haltu. E tarifa usuario final pa e produktonan LPG 100 lbs i LPG 20 lbs no ta kambia.
