MADRID, AP.- E presidente di gobièrnu spañó, Mariano Rajoy, ta konfia ku su atministrashon por kontrolá kualkier posibel interferensia estranhero den elekshon ku el a organisá den Catalonia pa terminá ku e asuntu di independensia enkabesá pa polítikonan separatista.
Rajoy a ninga di duna detaye riba e medidanan di seguridat ku Spaña lo tuma pa evitá òf kontrarestá e interferensia elektróniko ku por tin den próksimo elekshon regional den desèmber, pero el a bisa ku “e pueblo lo vota kompletamente liber”.
Djaluna, e minister di Defensa Maria Dolores de Hospital a bisa ku den lunanan resien tabatin vários “echo” originá “riba teritorio ruso” i otro sitionan ku intenshon di krea un kampaña di desinformashon pa destabilisá Catalonia. Sin embargo, Cospedal i Rajoy a bisa ku Spaña tin indikashonnan ku e gobièrnu di Rusia ta involukrando.
E bosero di presidente ruso Vladimir Putin, Dmitry Peskov, a ninga tur e akusashonnan di interferensia ruso den Catalonia bisando ku esakinan no ta funda.
Peskov a agregá ku e preokupashonnan di Madrid ta zona manera un “kontinuashon di e histeria den Merka i otro paisnan”.
Papiando durante su bishita na Bielorusia, e kansier ruso Sergey Lavrov a rechasá e idea ku desde Rusia algun ta purbando di influensiá elekshonnan den otro paisnan.
