Potrèt dje kantante “D4vd” durante di un konferensia di prensa di polis di Los Angeles den oranan di ayera tardi.
LOS ANGELES (AFP).- E ‘rapper’ norteamerikano “D4vd” a keda akusá ayera di asesinato di un hóben kende su kurpa nan a haña den estado di deskomposishon den luna di sèptèmber último den e baul di un vehíkulo registrá na nomber dje artista na Los Angeles.
E kantante di 21 aña, kende su nòmber mes ta David Anthony Burke, ta enfrentá varios akusashon pa morto di Celeste Rivas Hernandez, segun e fiskal Nathan Hochman. E akusashon di asesinato ta bai kompañá pa otro sirkunstansianan grave manera “akto seksual opseno ku un persona menor di 14 aña, komo tambe mutilashon di un kadaver”, segun Hochman. Si e keda deklará kulpabel, Burke por enfrentá kastigu di morto òf kadena perpetuo sin posibilidat di libertat kondishonal.
A haña e kurpa di Rivas Hernandez di kap i den estado avansá di deskomposishon den un Tesla -propiedat dje kantante- dia 8 di sèptèmber, un dia promé ku e kumpli 15 aña.E kadaver tabata den sakunan den baul di un Tesla den un depósito di Hollywood, despues ku tabatin reklamo di holó. E vehíkulo tabata stashoná pa kasi un luna den un zona eksklusivo di Hollywood Hills promé ku kran a bai kuné.
Rivas Hernandez, ku tabata biba den parti ost d Los Angeles, a keda reportá den 2024 dor di su mama komo desaparesé, tempu ku e tabatin 13 aña. Pero su relashon ku e rèper tabata ampliamente dokumentáriba retnan sosial.
“D4vd” ta un strea di rèp ku a bira famoso den 2022 ku su tema “Romantic Homicide”. E tabatin hopi éksito riba TikTok.
