ATLANTA, USA (AFP).- Fiskal di Atlanta, Georgia, ayera a akusá e ‘rapper’ Young Thug di ta e “lider proklamá” di un gèng ku ku tabata move na diferente sitio pa kometé delitonan.
E polémika i kontratempunan a persiguié e kaso largu aki pa supuesto konspirashon kriminal for di despues ku a kuminsá selekshoná hurado den yanüari.
Estado di Georgia ta sostené kue seyo diskográfiko di Yuong Thug, esta YSL, ta un fachada di un banda kriminal, argumentando ku e akusadonan ta pertenesé na un gèng di kaya ‘Bloods’, identifiká komo Young Slime Life (YSL).
“E pruebanan ta demostrá ku YSL ta kumpli ku tur e rekisitonan pa e ta un gèng kayahero kriminal”, segun fiskal dje kondado di Fulton, Adriane Love
E fiskal a bisa ku “nos no ta persiguí e letranan pa resolvé asesinato. Nos ta persiguí asesinato i a bin topa ku e letranan”.
Sitando e kansion di Young Thug “Take It To Trial”, e fiskal a remarká ku “di forma masha straño e ta parse susesonan hopi bèrdat i real, i bastante spesífiko”.
Di parti dje defensa, nan a insistí ku e lèternan YSL ta korespondé na Young Stoner Life Records, un seyo d hip-hop i trap ku Young Thug a funda den 2016 i ku ta un asosiashon di artistanan, no un banda kriminal.
Young Thug ta un dje supuesto 28 miembronan di un gèng di kaya, ku tambe a keda akusá di krímen organisá den mei di 2022. Seis di nan ta keda husgá den kuadro dje akusashon original, pero ta nenga tur kos. Vários dje otronan envolví a deklará nan mes kulpabel òf lo keda husgá di forma separá.
Tur kos ta mustra ku e kaso aki lo por rèk te yega kuminsamentu di 2024.
