BOGOTA, COLOMBIA, AFP.- Rebeldenan di Ehérsito Liberashon Nashonal a proponé un tregua di tres luna ku e gobièrnu di presidente Ivan Duque.
E movementu a pidi gobièrnu pa “bai di akuerdo ku e tregua di 90 dia” despues ku Nashon Uní a hasi un petishon pa redusí tur konflikto i violensia durante e pandemia di Corona vírus.
Duque a skibi riba Twitter ku “mi lo no stòp di kumpli ku e deber konstitushonal pa enfrentá kriminalidat riba e teritorio”, agregando ku ELN ta un “grupo terorisá”.
“Colombia ta eksihí pa nan liberá tur rehen i pone fin na nan aktonan kriminal”.
Corona vírus a infektá 124.000 kolombiano i a laga 4.300 morto.
Duque a suspendé tur negosiashon di pas ku e grupo i a bisa ku lo reanudá esakinan bèk solamente si ELN liberá tur rehen i stòp ku su aktividatnan kriminal. Pero ELN ta ninga di hasi esaki indikando ku e kondishonnan no ta bilateral.