BEIRUT, Libanon.- E hefe di rebeldenan na Siria ayera a deklará ku su meta ta pa “derotá e régimen” di Bashar al Assad, despues ku su kombatientenan poderá di siudatnan klave den un ofensiva hopi fuerte.
Den ménos ku un siman, e avanse dje insurgentenan a propiná derota fuerte na e gobièrnu dje presidente Asad. E rebeldenan ta den entrada di Homs, e di tres siudat dje pais, na 150 km dje kapital Damasco.
Avionnan ruso i sirio a bombardiá posishonnan serka di Homas, matando 20 persona. E enfrentamentunan aki ta e proménan dje magnitut for di 2020 den un pais mal batí pa guera sivil, ku for di su inisio den 2011 a laga sigur mei mion morto.
Ep ais ta dividié den vários zona di influensia, kaminda esnan den guera ta konta ku apoyo di diferente potensia estranhero. “Ora ku nos ta papia di meta, e meta final dje revolushon ta sigui pa derotá e régimen”, segun Abu Mohamed al Jolani, hefe dje grupo islamita radikal Hayat Tahrir al Sham (HTS), ku ta enkabesá e ofensiva.
“Nos tin derechi pa usa tur e medionan disponibel pa alkansá e meta”, segun el a duna di konosé den entrevista ku CNN. HTS ta keda konsiderá pa Nashonnan Uni, tambe pa Merka i algun pais europeo, komo un grupo terorista. For di 27 di novèmber, e peleanan a laga por lo ménos 800 morto, di kua sigur shen ta sivil.
E intervenshon ruso den 2015 a yuda pa e tropanan gubernamental por a rekuperá gran parti dje teritorio ku nan a pèrdè durante kuminsamentu dje guera sivil.
