WILLEMSTAD.-Awe a tuma lugá na Ulanda, Prinsjesdag, riba e di tres djamars di sèptèmber su mahestat rei Willem Alexander a presentá pensamentu di gobièrnu na komunidat. Na Kòrsou su ekselensia gobernador ta presentá pensamentu di gobièrnu riba apertura di aña parlamentario riba e di dos djamars di sèptèmber. Su mahestat rei Willem Alexander tabata den kompania di reina Maxima. E kambio grandi e aña aki ta ku e evento no a tuma lugá den “Ridderzaal” pero den “Grote Kerk” na Den Haag. Ministernan i sierto kantidat di miembronan di Tweede Kamer so por a asistí debí na medidanan di Covid, meskos ku tabata e kaso na Kòrsou. Dilanti palasio Noordeinde no a permití pa públiko aglomerá sinembargo den kayanan di Den Haag si bastante a bai para tempran pa saluda e pareha real na momentu ku nan a pasa den outo pa bai Grote Kerk. Normalmente e pareha real lo a pasa den e ‘koets’. Den Karibe ulandes hopi hende su orea lo a lanta para ora ku su mahestat a bisa ku Ulanda ta sigui brinda su yudansa na partinan di mundu unda corona a dal mas duru.

Pa loke ta trata e partinan di reino den Karibe rei Willem Alexander a bisa ku e islanan a haña sla fuerte debí na Corona i ku gobièrnu ta papiando ku e paisnan pa wak bou di ki kondishon por brinda nan yudansa. E meta ta keda pa yuda e komunidatnan awor i kontribuí na seguridat ekonómiko pa futuro i tambe stabilidat sosial. E yudansa humanitario ta keda disponibel, asina rei Willem Alexander a duna di konosé.

 

 

LAGA UN KOMENTARIO

Please enter your comment!
Please enter your name here