WILLEMSTAD.- Ayera nochi Rei Willem-Alexander a yega Aruba. Rei Willem-Alexander ta na Aruba enkonekshon ku selebrashon di 40 aña status aparte, i tambe 50 aña di himno i bandera di Aruba. Na su yegada su Mahestat Willem-Alexander a keda risibà pa Gobernador Boekhoudt i premier Eman, kendenan tabata presente na aeropuerto. Despues di e selebrashon aki i bishita na vários sitio na Aruba, Rei Willem-Alexander lo biaha pa Kòrsou kaminda e lo hiba kòmbersashon ku representante di komunidat lokal riba kon nan ta eksperimentá e tenshonnan entre Merka i Venezuela i e konsekuensia pa region.
