LIVERPOOL, AFP.- Reino Uní a hisa e nivel di menasa terorista di e pais na grave, e di dos mas haltu, e siguiente dia di e eksploshon di un taksi dilanti di un hospital na Liverpool.
“Nos ta hisa e nivel di menasa di importante pa grave”, asina e minister di interior Priti Patel a bisa na televishon, señalando ku e echonan na Liverpool ta e di dos akto konsiderá terorista despues di e asesinato di diputado David Amess un luna pasá.
E nivel di menasa aki ta nifiká ku e rísiko di un atentado ta konsiderá komo hopi probabel. Den oranan di mainta, polis a kalifiká di insidente terorista e eksploshon di e taksi, ku a sosodé dilanti di un hospital pa hende muhé na Liverpool, na nort di Inglatera.
E eksploshon a destruí e taksi i a mata e pasahero sospechoso di a fabriká e artefakto eksplosivo, pero solamente a heridá e shofùr.
