Promé minister britániko Keir Starmer
LONDON, REINO UNI, AFP.- Reino Uní ta organisá un reunion ku mas di 30 pais. E paisnan aki ke yuda mehorá seguridat di transporte marítimo den estrecho di Hormuz, kual a keda afektá pa e guera den Medio Oriente.
“Reino Uní ya a logra ku 35 pais ta dispuesto pa aktua pa sigurá seguridat marítimo den e golfo”, asina e promé minister britániko Keir Starmer a bisa.
E reunion lo tuma lugá awe, segun indikashon di un fuente di gobièrnu britániko.
Starmer a papia di NATO tambe, bisando ku esaki ta e “aliansa militar di mas efikas na mundu”, despues di krítikanan di presidente merikano Donald Trump.
“NATO a tene nos ‘safe’ durante vários dékada, i nos ta kompletamente komprometé ku NATO”, asina el a añadí.
Den un entrevista djárason, publiká pa Daily Telegraph, Trump a reiterá su krítikanan kontra e aliansa Atlántiko pa motibu ku esaki no ke drenta den e guera ku Iran.
Algun ora promé ku e deklarashon di Starmer, Trump a bisa ku Merka lo sali di Iran “pronto”, dentro di dos òf kisas tres siman.
Hormuz situation has become. It highlights the global effort to maintain security and stability in such a critical shipping route, especially with rising concerns over energy supply and geometry dash lite trade disruptions.