WILLEMSTAD – Relashoná ku un kaso di atrako riba un persona ku ta rekohé sèn na kantor di number ku a tuma lugá dia 24 di òktober 2025 den Motilonesweg, tin un rekompensa di 5 mil florin.
Personanan ku por tin informashon tokante di e kaso di atrako aki, ku lo guia na solushon di e kaso, por yama e number anónimo di polis 108.
Tene kuenta ku pa bini na remarke pa e rekompensa, mester duna e tep di oro únikamente via di e liña 108.
Kuerpo Polisial ta gradisí komunidat di antemano pa yuda den solushon di e kaso aki.
