WILLEMSTAD.- Kòrsou a risibí rekonosementu internashonal durante di e di 25 konferensia riba seguridat ku a tuma lugá na Treasure Island na Las Vegas, Nevada. E tema di e konferensia aki tabata Terorismo i kon pa prepará pa enfrentá esaki. Kòrsou a keda representá pa Ritzel Godfried di Ofisina di Turismo (CTB). Godfried a risibí e rekonosementu for di man di Ray Suppe kende ta presidente di International Safety Association, “Stars òf Tourism, Safety and Security”.
Direktor interino di CTB Hugo Clarinda tabata presente na e okashon aki pa duna realse na e rekonosementu aki ku Kòrsou a risibí na Las Vegas.
Godfried a sigui e kurso speshal “Tourism Policing and Protective Services ” esta (TOPPS) pa asina keda up to date ku lo último den desaroyonan ku ta trata protekshon i den turismo. Tourism & More, Las Vegas Convention and Visitors Authority i International Tourism Safety Association ta esnan ku a duna e kurso.
