WASHINGTON, AP.- E klima kayente, ekstremo i kostoso di Merka a kibra un rèkòrt nobo. Esaki tabata e yüni mas kalor segun meteorólogonan federal. I komo si no ta basta, ta kalkulá ku 2016 ta na punto di registrá su rèkòrt nobo debí na desasternan di klima multimionario.
E temperatura promedio di 48 estado tabata di 22,11 grado Celsius, 3m3 grado Fahrenheit riba loke ta normal, segun informashon di Atministrashon Nashonal di Oséano i Atmósfera djaweps. Tur estado a registrá temperaturanan mas altu ku loke ta normal. Den kaso di Utah i Arizona e rèkòrt tabata apsoluto pa yüni.
” 2016 tabata kalor, húmedo i imprevisibel pa estadonan” segun e klimatólogo di NOAA, Jake Crouch.
E promé semèster tabata e terser mas kayente den historia. E rèkòrt di yüni ta debí na un kombinashon di variashon natural i kalentamentu global riba término largu, segun Crouch. E registronan a kuminsá den 1985.
