Rekoudashon di Naf. 100.000 pa rekonstruí P.L. Brionschool

WILLEMSTAD.- E konosido abogado sra. Saran Inderson djasabra a lanta i a disidí pa inisiá ku un rekoudashon di fondo pa e lokal di Pedro Luis Brionschool ku malechornan a kima den anochi di 25 pa 26 di yüni último.
Sra. Inderson ke yega na e montante di 100 mil florin p’asina por rekonstruí e lokal aki ku mester a aloká muchanan di grupo 1 i 2 pa e próksimo aña eskolar.
Riba su página di Facebook el a skirbi lo siguiente: “Kòrsou mester di Abo!! Bo tambe ta di shòk pa lokual ku a pasa? Bo ta preokupá p’e echo ku malechornan a kima parti di un skol a sabiendo e situashon penoso di Kòrsou su enseñansa?
Laga nos ban uni i rekoudá sèn pa di e forma ei mustra nos desaprobashon pa e lokual ku a pasa na Pedro Luis Brion School. Ban mustra ku nos mes por i ku nos tin amor pa Kòrsou, nos skolnan, nos muchanan i nos mes.
Ban mustra mundu ku e kos aki nos no ta aseptá. E lokual ku a pasa no ta definí nos.
Ban rekoudá fondo pa di e forma ei nos mes drecha e skol.
Si nos mes no yuda nos mes ta ken lo hasié pa nos?
Si nos mes no ta dispuesto pa yuda nos mes kon nos por ferwagt otro pa nan si yuda nos?
Aportá ku un granito. Si nos tur aportá un granito nos ta keda kla un bes. Na mes momento mi ta pidi yudansa di un administrateur òf Accountant pa yuda gratuitamente ku e atministrashon di esaki”. pa hasi donashon por bai riba e “link” riba página di facebook di sra. Inderson.

SHARE

LEAVE A REPLY