NEW YORK, AP.- E hispánikonan ta sigui sufri di nivelnan haltu di desempleo i ta kobra ménos ku afroamerikanonan, blanku i asiátikonan na final di 2011, apesar ku e ekonomia merikano ta mustra señalnan di rekuperashon. Esaki segun e estudio di un organisashon saká djaweps. “ No ta sorprendente pa sa ku e hispánikonan ta konsiderá e ekonomia, i partikularmente e kreashon di trabou komo un prioridat elektoral hopi importante e aña aki”, asina Catherine Singley a bisa, kende ta Analista di e Konseho Nashonal di Rasa, i kende a papia na medionan di komunikashon durante e presentashon di e informe prepará pa e Sentro pa Progreso Merikano.
E estudio di e entidat no gubernamental i sin intenshon pa ganashi, ku ta invest igá r iba derechonan humano, inmigrashon, koriente i seguridat, entre otro temanan ku finansiamentu òf supvenshon di otro institushon, a bisa ku gruponan minoritario ainda ta sufri e gòlpi di krísis na 2009 i mester di un seguridat finansiero mas grandi.
E nivel di desempleo entre hispánikonan na Merka a mehorá, pero ainda ta sigui den nivelnan haltu. E datonan di gobièrnu ta indiká ku e ta mantené 10,5% durante e promé trimèster di 2012 siendo ku na final di aña pasá e tabata 11,3%.
E poblashon blanku a pasa di un nivel di desempleo di 4.3% na 2007 pa 7,7% na final di 2011.
