CARACAS, VENEZUELA, AFP.- E kaptura di Nicolas Maduro riba 3 di yanüari durante un operashon militar merikano, a kambia e relashon entre ámbos pais. Nan relashon ta riba e bon kaminda, segun indikashon di presidente na enkargo, Delcy Rodriguez.
Rodriguez tabata visepresidente i a asumí e ròl di presidente interino despues ku a kapturá Maduro. Un temporada despues, Caracas i Washington a establesé relashon, kual ta suspendé for di 2019.
Rodriguez a bisa ku Venezuela ta den un momentu ku “nos no por a imaginá nos mes aña pasá”.
“Kasi seis luna a pasa i mi ta sinti ku nos ta riba e bon kaminda. Nos ta resolviendo nos diferensianan ku diálogo i diplomasia”, asina Rodriguez, kende ta gobernando bou di preshon di Merka, a bisa.
