EL CAIRO, AP.- E outoridat máksimo islamita di Egipto a rechasá e proposishon di presidente di reforma e leinan di divorsio pa ya no ta posibel pa un hòmber kasá divorsiá solamente pa medio di ekspreshon verbal.
E konseho Al Azhar di klèrknan a deklará ayera ku divorsio verbal, si e keda realisá di forma apropiá pa hòmbernan di konsenshi sano, tabata un práktika for di tempu di profeta Mahoma den siglo VII.
pa kompensá, e konklave a proponé kastigunan mas severo pa esnan no dokumentá na momentu di separá. Alarma pa e kantidat haltu di divorsio, presidente Egipto Abdel fata el Sisi a proponé luna pasa un lei di tal manera ku un divorsio lo ta legal solamente den presensia di un klèrk ku lisensia ofisial.
