NEW YORK, AP.- Un remedi nobo pa trata depreshon postparto a duna resultadonan positivo den un estudio ku ta meimei di su etapa.
No tin medisina aprobá ku ta trata un tipo di depreshon spesífikamente, segun Asosiashon merikano di Sikologia, kual ta afektá kada un di shete muhénan ku ta duna lus.
Dies pashènt a risibí remedi di sage i 11 mas a risibí plasebo. E empresa ta bisa ku 60 ora despues di e tratamentu, e muhénan ku a tuma medisina tabatin puntonan signifikativamente mas abou ku a keda usá den sondeonan ku a keda usá pa midi nivel di depreshon.
E pashèntnan ku a tuma e remedi tambe tabatin outonan mas abou na final di un estudio di 30 dia.
Tur e partisipantenan a duna lus seis luna promé, i a sufri di un atake di depreshon fuerte na final di e embaraso òf den e promé luna despues di duna lus.
E depreshon postparto ta inkluí tristesa profundo, ansiedat òf kansansio ku por hasi mas difísil pa e mayor por kuida di nan mes òf otro personanan, segun e Instituto Nashonal di Salu Mental di Merka.
