Pa selebrá Kòrsou su promé partisipashon den kopa mundial di FIFA
WILLEMSTAD.- Ku Kòrsou ofisialmente klasifiká i pa promé biaha den e Kopa Mundial di FIFA 2026, nos isla ta kla pa eksperensiá un momentu kultural i deportivo signifikante. Segun ku e emoshon ta sigui krese rònt di nos selekshon nashonal, e Blue Wave, Renaissance Wind Creek Curaçao Resort ta lansa Wind Creek Arena — un sitio di entretenimentu trahá na midí ku un kapasidat di 750 invitado i un ‘VIP deck’ eksklusivo ku ta akomodá 40 invitado, diseñá pa trese bishitantenan lokal huntu pa selebrá un di logronan kultural i deportivo mas impaktante di nos pais.
Ofisialmente lo estrená Wind Creek Arena, dia 11 di yüni. E arena lo sirbi komo un lugá di enkuentro vibrante pa dia di wega ku lo konta ku pantaya grandi, ofertanan di kuminda i bebida. DJ RO-1 lo tei pa entretené durante weganan di Kòrsou i Hulanda, i ta sigur ku lo tin un ambiente komun di energia haltu alimentá pa emoshon di futbòl i orguyo di nos isla. Lo programá Wind Creek Arena rondó di e partidonan di selekshon di Kòrsou i e partidonan di selekshon di Hulanda.
“Kòrsou su partisipashon den Kopa Mundial di FIFA ta un momento di orguyo inkreibel pa nos isla, i nos ke krea un eksperensia ku berdaderamente ta reflehá e emoshon i sentido di union ei,” Averilette Francis, Gerente General di Wind Creek Curaçao a bisa. “Wind Creek Arena ta diseñá pa trese hende huntu pa selebrá no solamente futbòl, pero kultura, energia i spiritu di komunidat rondó di e momentu importante aki.”
Wind Creek Arena lo enfoká primordial riba weganan di selekshon nashonal di Kòrsou, i tambe e weganan di selekshon nashonal di Hulanda riba 14 di yüni, 20 di yüni i 25 di yüni. E partidonan aki lo konta ku programashon adishonal, inkluyendo DJ i diferente stashon di kuminda i bebida spesial. Wind Creek Arena lo sirbi tambe komo un destinashon pa mira e otro weganan internashonal inkluyendo Brasil, Argentina, Colombia i Portugal.
Entrada na Wind Creek Arena lo keda grátis pa tur invitado. Pa partidonan di demanda haltu ku ta konta ku Kòrsou i Hulanda, paketenan di asiento reservá eksklusivo lo ta disponibel, ofresiendo asiento garantisá huntu ku un krédito di bebida pa engrandese mas ainda e eksperensia di e arena. Esnan ku ta deseá, por hasi reservashon di nan asiento. Un asiento regular ta kosta $14 i ta inkluí $14 di krédito na bar. Esnan ku ta deseá e pakete VIP pa $42 lo risibí un asiento ‘premium’, servisio di waiter, parker grátis i $28 di krédito na bar. Por kumpra karchi via https://www.cxtickets.com/events/event-details/f366806a328. Ademas, di e Wind Creek Arena, Renaissance Wind Creek Curaçao Resort lo tin tarifa spesial pa tur esnan ku ta deseá di hospedá durante e dianan di Mundial 2026.
