SANTO DOMINGO (AFP).- Rep. Dominicana i Haiti ayera a akordá pa entrante luna di mei benidero reanudá nan konekshon aéreo, interumpí ya pa dos aña. Santo Domingo den 2024 a para buelonan pa su bisiña Haiti, ku kua nan ta kompartí e isla La Española, debí na un episodio di violensia di gèngnan den e pais mas pober dje region.
“Tur dos pais a akordá e apertura dje espasio aéreo entre Rep. Dominicana i e Repúblika di Haiti, permitiendo e konekshon aéreo entre e aeropuertonan dominikano i e aeropuerto internashonal Cabo Haitiano, kuminsando den mei”, segun un komunikado konhunto.
“E medida aki ta yuda fasilitá e movishon i yuda e relashonnan ekonómiko i fortalesé e relashonnan entre ámbos pais”, segun a agregá. Delegashonnan di ámbos kansieria a sostené un enkuentro na e frontera pa diskutí e prioridatnan, segun e komunikado.
E presidente dominicano, Luis Abinader, ta hiba un maneho anti migratorio. Tur luna ta ekspulsá míles di inmigrante iregular haitiano i aña pasá el a ordená pa konstruí un muraya na frontera. Haiti ta keda asotá pa violensia di gèngnan ku a trese instabilidat polítiko i un krísis migratorio den e pais.
