Presidente di República Dominicana, Lus Abinader.
SANTO DOMINGO (AFP).- Repúblika Dominikana tabata e di dos destino mas bishitá di Amérika Latina den 2025 na momento di a risibí kasi 12 mion turista, pero e kresementu ekonómiko si a wanta. Turismo ta e prinsipal aktividat ekonómiko dje pais, ku destinonan popular manera Punta Cana i e kapital Santo Domingo, konosí pa su arkitektura kolonial.
“Den 2025 nos a risibí mas ku 1.7 mion bishitante, un kresementu interanual di 4.3%, ekivalente na kasi 600 mil bishitante adishonal kompará ku 2024 i mas ku 4 mion kompará ku 2019”, segun e presidente dominikano Luis Abinader.
Statistiknan ta indiká ku e pais ta risibí mas ku un turista pa kada abitante dje pais. “Nos ta e di dos mayor destino di Amérika Latina, superá solamente pa México”, segun Abinader a agregá.
E presidente a sigui bisa ku apesar di su éksito turístiko, e pais a registrá un kresementu di 2.1% de 2025, inferior na e proyekshon di 2.5% di Banko Sentral. Den 2024 tabatin un kresementu di 5.4%. E presidente a trese dilanti ku spera un ekspanshon ekonómiko di 4.5% pa final di 2026, loke lo posishoná e pais “entre e ekonomistanan mas dinámiko dje kontinente”.
Den su diskurso e presidente a trese dilanti ku e pais ta plania pa hasi di su mesun “hub teknológiko” i a adelantá plannan pa lansa “un satélite òf un kohete” de 2028. “Nos lo bira e pais mas kompetitivo pa invershon di empresanan teknológiko”, segun el a agregá.
