E rèper D4vd den korte na Los Angeles
LOS ANGELES, MERKA, AFP.- E rèper D4vd mester paresé den korte pa akusashonnan di asesinato i kòrta un mucha di 14 aña chikí chikí. Asina un wes di Los Angeles a disidí djaluna.
Na final di un seshon di sinku dia, wes Charlaine Olmedo a determiná ku tin sufisiente prueba kontra e artista pa hustifiká e huisio.
E kantante di 21 aña i kende su nòmber di bèrdat ta David Anthony Burke, ta sospechá di hinka Celeste Rivas Hernandez mata. Hernandez tabata un hóben merikano ku Burke a tene relashon seksual kuné temporada e hóben tabatin 13 aña i Burke 18.
E adolesente a menasá ku e lo “kaba” ku e karera di e kantante 24 ora promé ku el a muri i tres dia promé ku D4vd a publiká su promé albùm, segun mensahenan presentá pa fiskal djaluna.
E hóben a menasá D4vd den un mensahe. Fiskal a bisa ku un dia despues D4vd a paga un Uber pa trese e hóben na su kas pa e por “deshasí” di dje.
Despues di esaki el a purba kubri su krímen. El a bestèl un zag riba Amazon, i un pisina di supla pa e kòrta e kurpa. Tambe el a kumpra un “fòrnu” di hardin pa kima e kurpa, pero esaki tabata demasiado chikí.
A deskubrí e kurpa di Rivas kuater luna despues den estado di deskomposishon a den baul di un Tesla registrá na nòmber di D4vd.
