SANTO DOMINGO, AP.- Organismonan di reskate di República Dominicana a purba un alerta djaweps pa mayoria di provinsianan kontra posibel inundashonnan debí na áwaseru fuerte, provoká pa un sistema di depreshon abou.Fransisco Holguin, representante di e ofisina di meteorologia, a bisa den un konferensia di prensa ku den algun region di e pais a registrá áwaseru di 100 milimeter. Esaki por kousa algun riu pa basha over.
E sistema meteorológiko ta kubri gran parti di e pais i lo proboká áwaseru fuerte den 19 di 32 provinsia di e pais.
Juan Manuel Mendez, koordinador di sentro di Maneho di Emergensia a hasi un yamada na e pueblo ku ta biba den zonanan di riesgo haltu pa tuma medidanan preventivo pa posibel inundashon i a atvertí ku botonan mester keda den haf.
E hefe di Defensa Sivil, Rafael de Lima, a anunsiá ku ayudantenan ta kla pa kuminsá djaweps atardi ku evakuashonnan preventivo den zonanan di riesgo haltu den nortost di e pais.
