PRAGA, REPUBLIKA CHEKO, AFP.- E gobièrnu cheko a anunsiá djaweps ku lo introdusí medidanan nobo pa enkurashá vakunashon kontra COVID, despues ku a reportá kantidatnan rèkòrt di infekshon den e pais.
Kuminsando djaluna, solamente esnan vakuná òf esnan ku a keda infektá ku COVID den e último seis lunanan lo wòrdu permití pa drenta barnan, restorantnan, hotèlnan i otro servisionan. Un tèst negativo di COVID no ta sufisiente mas.
Promé minister Andrej Babis a bisa riba Twitter ku e pais a wòrdu inspirá pa e Bavaria “kual su base ta pa laga solamente hendenan vakuná òf ku a kura di un infekshon di COVID haña akseso na diferente servisio, hotèlnan i enkuentronan.
Minister di Salubridat Adam Vojtech a splika ku e meta prinsipal di e medidanan ta pa motivá vakunashon kontra COVID-19.
E pais a reportá e sifra di mas haltu di infekshonnan di COVID desde komienso di e pandemia ku 22.470 infekshon nobo djamars. Outoridatnan a indiká ku un total di 31.769 persona a muri di COVID den e pais.
