WILLEMSTAD. – Direkshon Nashonal di Kontròl di Droga i Prokuraduria General di Repúblika, ku apoyo di Merka (U. s. Marshals), a ekstraditá i deportá durante 2024, un total di 91 persona, vínkulo na e tráfiko ilísito di droga, froude, asesinato, violashon seksual, robo violento i otro delito.

Gobièrnu di Merka a hasi un rekonosimentu spesial na E Gobièrnu Dominikana, liderá pa Presidente Luis Rodolfo Abinader Corona, pa a subi di posishon 10 pa number 2 den kaptura di fugitivo ku ta hui di hustisia merikano.

Outoridatnan dominikano a logra destaká den kaptura i ekstradishon di personanan di diferente nashonalidat, vinkulá ku narkotráfiko, froude, violashon, robo violento, asesinato i otro delito.

Durante e presente maneho di vise almirante José M. Cabrera Ulloa, presidente di DNCD, a fortalesé e interkambio di informashon ku e paisnan aliado, loke a permití kaptura di fugitivo internashonal ku ta purba di evadí hustisia di nan pais.

“E logronan aki a bira posibel danki na e kooperashon inter institushonal i tambe e kompromiso ku e hòmbernan i muhénan ku ta forma e tim di DNCD ku nan a asumí”, vise almirante Jose M. Cabrera Ulloa, presidente di e organismo, a presisá.

 

LAGA UN KOMENTARIO

Please enter your comment!
Please enter your name here