WOLFEBORO, NEW HAMSPHIRE, MERKA ( AP).- Un koro di bosnan konservador prominente ta ekspresando preokupashonnan di ku e strategia kouteloso di e kandidato presidensial republikano Mitt Romney ta poniendo su probabilidatnan di gana presidensia den peliger. Miént ras e kampaña di presidente Barack Obama ta oumentá su kr í t ikanan kont r a Romney, republikanonan ku influensia – lidernan derechista di e sektor empresarial i prensa – ta bisa ku e mensahe di Romney riba ekonomia i otro asuntunan takaresédidetayenanieta konfuso.
Den un editorial, The Wall Street Journal a bisa ku e kampaña di Romney ta ‘tirando un oportunidat históriko poko poko afó’.
‘E kampaña di Romney ta pensa ku e por aktua ku koutela i keiru den Kas Blanku simplemente bisando ku e ekonomia ta bai malu i ku ta kulpa di Obama’. Asina e korant a bisa. ‘Nos ta riba e lista di mensahenan elektróniko di e kampaña i e prinsipal mensahe diario ta ku ‘e presidensia di Obama no ta resultando’. Danki, muchanan, pero e merikanonan sa esei kaba. Loke nan kier skucha di e kandidato republikano ta splikashonnan di pakiko e polítikanan di e presidente no ta resultando i kon e polítikanan di señor Romney ta bai ta mihó’.
E krítika pisá ta tuma lugá ora Romney ta aserkando e final di su fakansi di un siman den su kas na New Hamsphire, kaminda e tabata virtualmente for di bista públiko, ku eksepshon di un aparishon un ratu riba Dia di Independensia. Sondeonan ta mustra Obama ku un bentaha leve na nivel nashonal i den vários estado klave den e kontienda presidensial.
Romney konstantemente a kritiká e polítikanan di Obama den ekonomia, salú públiko, gastunan nashonal i polítika eksterior. E strategia ta refleho di un kampaña ku ta spera hasi di e elekshon, un referèndem riba Obama – speshalmente su maneho di e ekonomia – na momentu ku datonan ta indiká ku e ritmo di e rekuperashon ekonómiko ta baha.
Romney a ofresé baha impuestonan i r egulashonnan pa produktornan di energia, habri merkadonan nobo pa e produktonan merikano, prinsipalmente den Amérika Latino, i enfrentá China pa loke el a yama práktikanan inhus tu ku ta roba empleonan merikano.
E republikano a hasi deklarashonnan un ratu na New Hamsphire, kaminda e ta pasa fakansi.
Independientemente di e sifranan riba empleo, vários konservador ta bisa ku Romney ainda mester spliká mihó su plannan ora falta kuater luna pa e elekshonnan.
E kampaña di Romney ta bisa ku e eks gobernador di Massachusetts a konsentrá
intensamente den ekonomia for di dia ku el a lansa su kampaña un aña pasá. Nan ta bisa tambe ku su krítikonan ta robes.
Pero entre su krítikonan konservador tin e magnate di medionan di komunikashon Ruppert Murdoch, kende a bisa riba Twitter ku e ekipo di Obama ‘ta bai ta difísil di vense a ménos ku (Romney) eliminá amigunan bieu di su ekipo i kontratá berdadero profeshonalnan. Mi ta duda esei’, el a bisa.
