CLEVELAND, OHIO, MERKA, AP.- E partido Republikano a aprobá un plataforma ideológiko ku ta inkluí e konstrukshon di un muraya na frontera ku México i e nesesidat di haña tratadonan komersial ku ta privilegiá e interes merikano. “E muraya na frontera mester tapa e parti sùit kompletu i mester ta sufisiente pa para tráfiko vehikular i peatonal”. Asina e dokumento a indiká, kual ta manifestá e ideanan di e partido, ounke ni a kumplimentu obligatorio pa esnan ku ta okupá e funshonnan gubernamental.
“Nos prioridat prinsipal, ta pa sigurá ku nos frontera i tur punto di entrada ta safe i apliká leinan migratorio”.
Dokumento no ta referí di manera eksplísito na e deportashon di e 11 mion di inmigrantenan ku ta biba den Merka sin outorisashon, pero ta boga pa derogá e alivio migratorio ordená den 2014 pa presidente Barack Obama pa protehá e deportashon di sinku mion persona.
