WASHINGTON, AP. – Apesar di un gran kantidat di kongresistanan republikano prominente ku a distansiá di Donald Trump, algun di nan a bolbe dun’é apoyo despues di a risibí krítika di partidarionan di e magnate polémiko.
Por lo ménos kuater legisladó ku apénas algun dia pasá a señalá ku Trump mester renunsiá na e kandidatura republikano pa presidensia a aklará ku nan lo vota pa e empresario apesar di su komentarionan bulgar riba mishimentu ku hende muhé. Por ehèmpel e senado Deb Fishcer republikano pa Nebraska a indiká ku e deklarashonnan ku Trump a hasi den un video na 2005 riba mishimentu ku hende muhé tabata repugnante i totalmente inaseptabel.
E republikano ku ta den su promé periodo den senado a pidi Trump pa e hala un banda i permití Mike Pence pa fungi komo kandidato pa nan partido republikano.
Sinembargo den un entrevista e siman aki ku e radio KLIN na Nebraska, Fischer a kambia di opinion.
“Nunka mi no a bisa ku mi no ta vota pa nos kandidato republikano”, asina el a afirmá i a sigui bisa ku no ta un desishon difísil i e lo sigui apoyá Trump.
“Mi tin plania pa vota pa señor Trump i señor Pence dia 8 di novèmber”, asina el a indiká den e entrevista.
Mesun kos ta konta pa e senador John Thune republikano di Dakota sùit i kende wikènt pasá a tweet Trump bisando esaki ku e tin di retirá i Mike Pence mester ta nan kandidato i esaki di forma inmediato. Ora Trump a nenga, Thune a suavisá su tono. E di tres republikano ku tin liderato den senado a bisa na prensa ku e tin su reservanan riba e manera ku Trump a hiba su kampaña i su komportashon.
