WILLEMSTAD.- Korte  a posponé un kaso di maltrato

pa motibu ku no a pone e partido perhudiká na altura di e tratamentu.

Korte ta di opinion ku e víktima tin derechi di presensiá e kaso i òf hasi petishon di daño perhuisio si e ta deseá.

E residivista D.D. ku tin un karchi kastigu poko largu pa entre otro agreshon, ladronisia i lei di opio, e bia aki ta keda akusá pa maltrato severo di su señora.

Segun e akusashon e tin dos ladronisia den bibienda i tambe menasa i maltrato di su señora.

Wes a duna di konos’é ku señora di e akusado mes a bai polis i hasi denunsia, despues di a keda maltratá pa e akusado.

E akusado a pidi wes pa e bai kas serka su famia, mirando ku e tin 4 luna será sin su kaso bin dilanti. El a primintí ku e lo komportá su mes i tambe ku e lo tei dia ku e kaso mester keda trata.

Fiskal a pidi wes pa rechasá e petishon mirando e kantidat di ladronisia ku e akusado a kometé den pasado i ku el a kaba di sinta un kastigu pa un otro kaso di  ladronisia.

Wes den su desishon a bisa e akusado ku e ta konosí pa hopi ladronisia i ku e 4 luna ku e tin sinta kaba lo no ta sufisiente pa e akusashon ku e tin aworakí riba dje.

Wes a bisa e akusado ku e tin ku sinta trankil warda su kaso bin dilanti.

 

LAGA UN KOMENTARIO

Please enter your comment!
Please enter your name here