WILLEMSTAD.- Na diferente okashon EXTRA a pidi, pa manda karta i a kasi roga pa stòp di usa nos notisianan i potrèt sin nos outorisashon.
Den nos páginanan nos tin bon kla poné ku no ta outorisá pa reprodusí nos notisianan i potrèt sin outorisashon previo i por eskrito. Pero esaki a para bira un akto normal di tur dia.
Sierto servisionan di notisia riba facebook i tambe wèpsait ta dunando un servisio ku nos informashonnan. Un biaha mas EXTRA ke pidi pa no kue nos notisia i fotonan sin nos aprobashon por eskrito. Mester respetá derechi di outor di e periodista, e medio i tambe derechi di potrèt. No ta ‘free for all’ tin ku notisianan ni potrètnan di EXTRA
